ساندستورم 170: سالفة الولد و الطفل

نشر في /بواسطة: في:

الألعاب اللي لعبناها:

  • The Last Guardian
  • Dead Rising 4
  • Final Fantasy XV

 

أخبار الحلقة:

دليل الحلقة:

– انطباعات الألعاب: 0:00:00

– الأخبار: 00:48:33

– اصدارات الأسبوع: 01:39:00

– 20 سؤال: 01:47:39

 

رابط اشتراك iTunes
سواليف: نواف النغموش |طارق الدخيل | رياض القدهي
تويتر ساندستورم

تعليق 12

  • Mohammad Alanzi

    Mohammad Alanzi

    طارق اتمناء المرة الجاية لاتدرعم في فقرة 20سؤال يعني انقهر صراحة كل ماشوف استهلاكك للأسألة الغريب حاول تحجر بسؤال عارف كيف أول ثلاث أسألة اعرف متى نزلت يعني كذا قلة من عام 2000 إلى 2010 نازلة بعدين حاول تسكر عليه اكثر من ثلاث أسألة وكذا ونفس الحالة مع التصنيفات لاتكبون كل جهاز وتنسون ههههه فا ياه حلقة حلوة

    (2)
    رد
  • Don Saad

    Don Saad

    سلام عليكم تعليق بسيط عن كراش عارف بأن ماريو افضل من كراش بمراحل لكن على جيلنا كراش ضرب عندنا بالسوق وكل العالم عندنا عنده PS1 كان مشهور بيننا نيتيندو ما نعرفه الا بالعائلة اجهزة نيتيندو مش منتشرة الا بين اللي يعرف صناعة الالعاب و يبحث عنها . عادي جدا الشعب متحمس لكراش الجديدة اذا تذكرون كيف كراش كانت منتشرة لدرجة كل محل الالعاب صورة المحل كراش و دمى كراش الخ…

    (2)
    رد
      • DARK910

        DARK910

        هههههههه لا لا لا المفروض تشوفين الرد متى كان التاريخ قبل ما تحطين الرد

        السؤال حقي حطيته في نفس اليوم وضع بودكاست الأعتراف جميل
        أفضل رد هو نسيتم
        🙂
        🙂
        🙂

        ابي تعويض على هذا رد غير مقبول منكم وغير صحيح

        (1)
        رد
          • DARK910

            DARK910

            لا مفروض على عدد أنتم كم 3 يكون 3 مرات 🙂
            أو وش رايك يكون 6 مرات أنت مرتين و نواف النغموش مرتين و الشخص بيكون موجود مرتين 🙂 عقاب واحد وصخ ههههههههه مب مصدق في تعويض 🙂
            لاتنسى أو ما تكون موجود في حلقة تتهرب وتحط اي عذرا وبعده يكون التعويض أكبر

            أتوقع أنا بحصل عقاب مب أنتم بعد هذا رد ههههه
            3>
            3>

            (1)
            رد
  • virtuous

    السلام عليكم
    رغم احترامي لوجهات نظركم و آرائكم والآليات اللي تتبعونها في تقييم الالعاب
    الا اني اشوف انكم ظلمتوا فاينل فانتزي 15 بكلامكم , قبل ما اتكلم عن ليش وما ليش
    ابي اوضح اولا اني ابدا مو من فانز السلسلة وما لعبت قبلها الا الرابع بس ونقطة ثانية قبل ما ابدأ كلامي , صراحة كلام نواف يوم يقول “اذا تبي تجربها جربها كفاينل فانتسي عشان تعرف شقد اللعبة ضاعت” ما اشوفه كلام منطقي واشوفه سلبي جدا الافضل انك تشوفها كلعبة مختلفة عن فاينل فانتسي عشان تتسمع بهذي اللعبة بشكل منفصل عن سلسلة فاينل السابقة هو كله نفس الكلام بس واحد يحمل نظرة سلبية والثاني نظرة ايجابية

    على كل حال اللعبة فيها bugs و فيها glitches و الكاميرا فعلا احيانا تضرب في قتالات الخصوم الضخام
    وال loading ممل ويطول وايد بس هذي الاشياء كلها اشياء معروفة بها العاب العالم المفتوح وخصوصا الغربي منها والسرد ضعيف بسبب الاعتماد على الفلم والانمي , بس في الناحية الاخرى القصة ممتازة , والجيمبلاي يحمس ومسلي بسبب الwarp والقدرة على تطوير الكومبات والقدرات, والمناظر الجميلة والخلابة والاماكن الفريدة من نوعها والمختلفة عن بعضها البعض (على الاقل لغاية المكان اللي واصل له الحين) , نظام التلفيل اللي محتج عليه طارق اشوفه فكرة وايد حلوة لانك بهالطريقة بتقدر تحصل EXP Boost وتلفل بسرعة بسبب الاكل والاماكن اللي تبيت فيها وكم Boost ثاني متعلق بالهجوم او الحيوية والخ اشوفها افضل من طريقة التلفيل الاعتيادية وتخليك تقدر تتحكم بمدى التلفيل وثاني الشي اماكن التخييم كثيرة واماكن النوم بكل مكان تقريبا فما تعتبر مشكلة انك تحصل مكان تنام فيه
    وحتى لو اختار اللاعب ان ما يروح ينام او يخيم في نهاية كل تشابتر راح تتلفل بشكل تلقائي فما اشوفها مشكلة للي يبي يلعب بدون ما يحتاج إلى كل هذي السوالف.
    السيارة ما اختلف معاكم صراحة في كونها مملة احيانا لكن تبقى فكرة ممتازة إلى “لودنج سكرين” والسيارة ترى ما تبقى على حالها راح تتطور مع اللعب بعيدا عن تفاصيل التطورات عشان ما احرق
    بالنسبة للبارتي وضعف دورهم في القتالات قد يكون هذا الكلام صحيح , لكنك بنهاية الامر تقدر تتحكم بالعتاد اللي عندهم وبعض الهجمات اللي ينفذونها.
    سالفة ان اللعبة تخليك “تشتغل” اختلف معاكم بصورة كبيرة فاينل فانتسي مقارنةً بألعاب ثانية مثل فال اوت وسكايرم وفار كراي ما تحس فيها انك تشتغل صراحة , تعبئة البنزين ابد مو مشكلة وما يشكل عامل ازعاج لو عرفت تلعبها صح , انت بعد فترة من اللعب ما راح تحتاج انك تقطع مسافات كبيرة عشان يخلص البنزين كلها return to car , call the car , return to rest point اذا عرفت توازن هالاوامر اثناء اللعب ما راح تحتاج انك كل حين تعبي بنزين , العاب فاينل فانتزي كانت دوم تجبرك انك تقاتل وهذا كان فعلا مزعج وفعلا يحسسك انك تشتغل مو قاعد تلعب بسبب القتالات المفاجأة اللي تطلع لك هالشي اللي فعلا تقدر تقول عنه شي روتيني وممل
    فبالعكس بهاللعبة ما حسيت ان في شي قاعد يقيد تحركاتي واختياراتي ما عدا الاماكن المغلقة وما شابه , المهمات الثانوية باللعبة قد تصير مملة مع تقدم اللعب بس هذي علة الالعاب ككل ما عدا ويتشر اللي حلت لك الموضوع بس ما ابي اوسع كلامي
    تعاقب الليل والنهار باللعبة فعلا كان شي مزعج واتمنى انهم يعطونك الخيار في تحديثات مستقبلية انك تمشي الوقت اسرع , لكن اذا وصلت الى لفل معين ما راح يكون في مشكلة بالتنقل الليلي وهذا الشي اللي عجبني بهذي اللعبة مع تقدم اللعب العوائق اللي تعمدوا يحطونها ببداية اللعبة تبدأ تروح تدريجيا. وتحس فعلا انك قاعد تسوي Progress مع الوقت كمثال بسيط التشوكوبو كنت بالبداية تمشي اشواط عشان توصل منطقة معينة بعد فترة يكافؤونك بالتشوكوبو وتحس بطعم هالمكافئة بعد ما تقعد تلعب بالتشوكوبو وتلفله.

    هاللعبة بالذات احسها انظلمت من معجبينها بشكل كبير وملحوظ نصهم يتحلطم ليش اسلوب اللعب مو تورن بيسد والنص الثاني معترضين على اتباعها اسلوب العالم المفتوح الغربي اكثر ناس احسهم حاقدين على اللعبة هم عشاق الاجزاء اللي فاتت من السلسلة , بعدين يجون الناس الثانية

    كنت اتمنى اسمع نقاط ايجابية عن اللعبة منكم بس كنتوا مركزين بشكل اساسي على سلبياتها ومشاكلها التقنية “انا ما استمعت للحلقة السابقة فاعذروني لو تكلمتون فيها عن الايجابيات واسحب كلامي ”

    على كل حال اتمنى تتقبلون رايي وترى الشي اللي دفعني اني اجي اكتب هالرد الطويل تالي الليل هو عدم وجود رأيي معاكس في البودكاست هالشي نوعا ما استفزني لازم يكون في اختلاف اراء في البودكاست برأيي

    يعطيكم العافية والسموحة عالتطويل

    يعطيك

    (4)
    رد

Send this to friend